Song - Dhanya Te Bhimrao Ambedkar
Lyrics - Vaman KardakAlbum- Kohinoor Bharatacha
Singer - Krishna Shinde
Music by - Madhukar Pathak
Music Label - Sa Re Ga Ma
Release Date - Year 1972
धन्य ते भीमराव आंबेडकर | Dhanya Te Bhimrao Ambedkar Lyrics
धन्य ते भीमराव आंबेडकर | Dhanya Te Bhimrao Ambedkar Lyrics
क्रांतिवीर महापुरुष जन्मा आले धरतीवर
भीमराव आंबेडकर,
धन्य ते भीमराव आंबेडकर
सन अठराशे एक्याण्णव साली भीमराव जन्मले
दलितजनांचे भाग्य उजळले, कैवारी लाभले
कायदेपंडित शिल्पकार हि घटनेचा गाजतो
भीमरायाचा कीर्ती-डंका चौमुलखीं वाजतो
ध्येयवादी अन मुत्सद्दी, स्वाभिमानी नर
काळ्या रामाचे मंदिर नव्हते दलितांसाठी खुले
वाट काटेरी झाली मोकळी भीमरायाच्यामुळे
अस्पृश्यतेची रात संपली तेज नवे फाकले
महाडच्या चवदार तळ्याचे पाणीही चाखले
दीक्षा दिधली अन उद्धरला कोटी जनसागर
बहुजनांच्या हितासुखाचा भार वाहिला शिरी
ऋण तयांचे राहतील नवकोटी जनतेवरी
एकोणीसशे छप्पन साली सहा डिसेंबर दिनी
महापरिनिर्वाण जाहले राहिल्या आठवणी
ज्ञानेश ऐसा होणार नाही शोधुनिया जगभर
भीमराव आंबेडकर,
धन्य ते भीमराव आंबेडकर
आमचा हा प्रयत्न आवडला असेल तर नक्की कमेंट करून आम्हाला कळवा
हमारी यह कोशिश आपको अच्छी लगी तो कृपया नीचे कमेंट करके हमारा हौसला बढाये